Carta al Enviado Especial al Congreso Eucarístico Nacional de Italia

francisco_mensaje

3 de septiembre de 2016.– Con fecha 16 de julio de 2016 fue publicado el nombramiento del cardenal Angelo Bagnasco, arzobispo de Génova y presidente de la Conferencia Episcopal Italiana, como Enviado Espacial del Santo Padre al  Congreso Eucarístico Nacional de Italia, que se celebrará en Génova del 15 al 18 de septiembre.

Ofrecemos a continuación la carta del Santo Padre al Card. Angelo Bagnasco:

Carta del Santo Padre

Venerabili Fratri Nostro
ANGELO S.R.E. CARDINALI BAGNASCO
Archiepiscopo Metropolitae Ianuensi
Praesidi Conferentiae Episcopalis Italicae

Laeti valde nuntium accepimus diebus XV-XVIII proximi mensis Septembris in clara urbe Ianua Congressum Eucharisticum Nationalem Italiae celebratum iri.

Ad illum praesertim confluent plurimi Christifideles Italiae ex Cardinalibus, Episcopis, Sacerdotibus, Religiosis viris ac mulieribus et Laicis commemoraturi “fontem vitae Ecclesiae et pignus futurae gloriae” (Unitatis Redintegratio, 15).

Quibus celebritatibus cupientes maiorem addere decorem, mentem Nostram ad Te, Venerabilis Frater Noster, convertimus, qui sollers Archiepiscopus Metropolita es eiusdem urbis et Praeses Conferentiae Episcopalis Italicae.

Quare te eligimus ac renuntiamus Missum Extraordinarium Nostrum ut in Eucharistico hoc Cogressu Nostram geras personam optatorum et hortationum, quae in animo habemus, interpres sis ac nuntius, minime dubitantes quin, ob tuas egregias animi ingeniique dotes rerumque ecclesiarum peritiam, commisso officio, Spiritu Sancto afflante, diligentissime sis functurus.

Qua fausta oblata occasione fideles omnes adfuturos hortamur ut sanctissimam Eucharistiam “sacramentum pietatis, signum unitatis, vinculum caritatis, convivium paschale” (Sacrosanctum Concilium, 83) magis in dies colant deque Ea se nutriant ita ut sint inter se fraterne coniuncti et ad aedificationem Ecclesiae et mundi bonum conferre valeant.

Volumus insuper adhortari ut quisque, si cotidie potest, praesertim in difficultatibus vitae, Sanctissimum Sacramentum Christi infiniti amoris et misericordiae, in nostris templis conditum et saepe solum, visitet, loquatur ut filius cum Eo Eumque silens auscultet, Eique se tranquillum committet. Praeterea cum tota Ecclesia dicimus meliusve canimus maxime fidentes: “Tantum ergo sacramentum veneremur cernui et antiquum documentum novo cedat ritui; praestet fides supplementum sensuum defectui. Genitori Genitoque laus et iubilatio, salus, honor, virtus quoque sit et benedictio; procedenti ab utroque compar sit laudatio. Amen”.

Deum denique deprecamur ut, intercedente Eius Sanctissima Matre, ex hoc Eucharistico Nationali Congressu uberrimi spirituales fructus oriantur, dum Tibi, Venerabilis Frater Noster, et omnibus ibi adstantibus, Benedictionem Apostolicam, dilectionis Nostrae testem, peramanter in Domino impertimur a vobis cunctis poscentes preces pro Nobis ac Nostro Petrino Ministerio.

Ex Aedibus Vaticanis, die VII mensis Iunii, anno MMXVI, Iubilaeo Misericordiae, Pontificatus Nostri quarto.

FRANCISCUS

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s